OF 2022

Oifigeach Feidhmiúcháin 2022

Tá Oifigigh Fheidhmiúcháin á n-earcú againn faoi láthair do phoist ar fud na tíre sa státseirbhís. Beidh an deis agat mar Oifigeach Feidhmiúcháin a bheith ag obair ar thionscadail a chuideoidh le forbairt shóisialta agus gheilleagrach na hÉireann.

Má thaitníonn obair dhúshlánach leat agus má tá tú tiomanta do sheirbhís phoiblí a thabhairt, bheadh post mar Oifigeach Feidhmiúcháin an-oiriúnach duitse.

Is fostóir comhdheiseanna an tseirbhís phoiblí. Fáiltímid roimh iarratais ó iarrthóirí le cúlraí éagsúla. Aithnímid go ndéanann lucht saothair a léiríonn an pobal i gcoitinne obair dhearfach san áit oibre agus go gcuireann siad leis an obair a bhíonn ar siúl againn.

Faoin ról

Is féidir leat a bheith ag súil go mbeidh deis agat mar Oifigeach Feidhmiúcháin do ghairm bheatha a fhorbairt trí réimse leathan ról agus freagrachtaí ar fud na státseirbhíse. Is féidir Oifigeach Feidhmiúcháin a chur isteach in aon Roinn Rialtais. D’fhéadfadh freagrachtaí den chineál seo a bheith i gceist: taighde a dhéanamh agus moltaí a dhréachtú maidir le ceisteanna polasaí agus reachtaíocht, gníomhú mar bhainisteoir sóisearach ar thionscadail straitéiseacha thábhachtacha.

Is féidir, freisin, go mbeidh tú ag déileáil go díreach leis an bpobal agus tú ag tacú le seirbhísí a chuireann an Státseirbhís ar fáil dóibh.

Tá Oifigigh Fheidhmiúcháin fostaithe i ngach Roinn Rialtais agus tá réimse leathan dualgas i gceist maidir le feidhmeanna. Is é an post mar Oifigeach Feidhmiúcháin an leibhéal iontrála chuig bainistíocht shóisearach inmheánach sa Státseirbhís.

Tuarastal: Ó €31,698 ag tosú duit

Saoire Bhliantúil: 23 Lá

Láthair: Ar fud na tíre

Dáta Oscailte: 12/05/2022

Dáta Dúnta: 3pm 02/06/2022

Ár nOifigigh Feidhmiúcháin

Gaëlle O’Flynn
An Roinn Talmhaíochta, Bia agus Mara
Dr. John McGee
Roinn Cumarsáide, Gníomhaithe ar son na hAeráide & Comhshaoil
Laila Tamosune
Revenue, Cáin agus Custaim na hÉireann
Laila Tamosune
Revenue, Cáin agus Custaim na hÉireann
Sarah Whiteley
An Roinn Cosanta
Rajani Senapathy
Oifig na nOibreacha Poiblí
Mairéad Ní Chonghaile
An Roinn na Meán, Turasóireachta, Ealaíne, Cultúir, Spóirt agus na Gaeltachta
Mairéad Ní Chonghaile
An Roinn na Meán, Turasóireachta, Ealaíne, Cultúir, Spóirt agus na Gaeltachta
Sviatlana Zhohal
An Roinn Sláinte
Pádraig Marrinan
An Roinn Oideachais agus Scileanna

Próiseas Iarratais & Earcaíochta

Roimh iarratas a dhéananh, seiceáil, le do thoil, go bhfuil tú cáilithe le cur isteach ar an bpost mar Oifigeach Feidhmiúcháin. Is féidir leat é seo a dhéanamh ach an mhír sa Leabhrán Eolais a bhaineann le riachtanais cháilitheachta a léamh agus an mhír thíos maidir le Ceisteanna Coitianta a léamh.

Le cur isteach ar an gcomórtas seo, ní mór duit foirm iarratais ghairid a chomhlánú. Ag brath ar líon na n-iarratas a fhaightear, d’fhéadfadh roinnt nithe eile a bheith i gceist sa phróiseas roghnúcháin. Mar shampla, d’fhéadfadh na nithe seo a bheith

san áireamh: trialacha measúnaithe ar líne, gearrliostú, agalla(i)mh físeáin ar líne, trialacha teanga, agalla(i)mh iomaíochta, trialacha samplacha oibre nó cleachtaí eile a mheastar a bheith cuí.

Ag gach céim den bpróiseas roghnúcháin gheobhaidh tú an t-eolas is déanaí faoi conas mar atá ag éirí leat. Gheobhaidh tú é seo trí do Bhord Teachtaireachtaí laistigh de do chuntas publicjobs.ie. Sa chás go n-éiríonn leat, cuirfear in iúl duit cad is gá duit a dhéanamh chun an chéad chéim eile sa chomórtas a chríochnú.

Conas Iarratas a Dhéanamh

Tabhair do d’aire: ní ghlacfar le hiarratais i ndiaidh an dáta deiridh. Is dátaí sealadacha na dátaí agus d’fhéadfaí iad a leasú. Chun gach eolas a fháil, breathnaigh ar an Leabhrán Eolais, le do thoil.

Céim 1

Cláraigh ar publicjobs.ie – cinntigh, le do thoil, do sheoladh ríomhphoist pearsanta a úsáid le gur féidir linn teagmháil a dhéanamh leat i rith an chomórtais ar fad.

Céim 2

Cliceáil Déan Iarratas ar Oifigeach Feidhmiúcháin 2022

Céim 3

Comhlánaigh an fhoirm iarratais roimh 3pm, Déardaoin, 2ú Meitheamh, 2022

Céim 4

Breathnaigh ar d’iarratas comhlánaithe faoin táb ‘M’Iarratais’ ar do phróifíl publicjobs.ie

Céim 5

Admháil go bhfuarthas d’iarratas – Ba chóir go bhfaighfeá admháil laistigh de 2 lá oibre ón dáta inar chuir tú d’iarratas isteach.

Céim 6

Céim a hAon Ceistneoir Ar Líne: Comhlánaigh faoin Meitheamh 2022

Leabhrán Eolais

Chun eolas breise agus mionsonraí a fháil faoin ról, léigh, an Leabhrán Eolais , le do thoil, roimh iarratas a dhéanamh ar an ról seo.

Ceisteanna Coitianta

1. Cad a bhíonn i gceist sa ról mar Oifigeach Feidhmiúcháin? ▾

2. Cén áit is dóichí a bheidh mé ag obair, má éiríonn liom? ▾

3. Cad é an tuarastal tosaigh? ▾

4. Conas a dhéanfaidh mé iarratas? ▾

5. Inrochtaineacht agus Socruithe Réasúnta – má bhíonn cuidiú de dhíth orm? ▾

Tá ról tábhachtach ag an tSeirbhís um Cheapacháin Phoiblí maidir le hiarrthóirí ó gach carn den tsochaí a mhealladh agus maidir lena chinntiú go bhfuil rochtain ag duine a bhfuil suim acu i ndeiseanna gairme ar na deiseanna sin. Táimid tiomanta do pholasaí comhdheiseanna do gach iarrthóir.

Má tá tú faoi mhíchumas nó má tá cóiríocht réasúnta ag teastáil uait le linn an phróisis roghnaithe, molaimid go láidir duit é sin a chur in iúl dúinn ionas gur féidir linn a chinntiú go bhfaigheann tú an tacaíocht ata de dhíth ort.

Is éard atá i gceist le cóiríocht réasúnta inár bpróiseas roghnaithe ná socruithe agus athruithe praiticiúla a dhéantar chun a chinntiú go bhfuil an deis chéanna ag iarrthóir faoi mhíchumas agus atá ag gach iarrthóir eile. Maidir leis na socruithe a chuirimid ar fáil, tá na socruithe seo a leanas i gceist: teicneolaíocht chúnta, am sa bhreis, scríobhaithe agus/nó léitheoirí agus réimse de shocruithe eile.

Má tá tú faoi mhíchumas nó má tá socruithe ag teastáil uait, bí cinnte nach mbeidh tionchar aige sin ar do dhul chun cinn sa phróiseas roghnaithe; ní bheidh tú faoi mhíbhuntáiste má thugann tú eolas dúinn faoin míchumas atá ort nó faoi na socruithe atá de dhíth ort. Coinneoimid eolas faoin míchumas atá ort/faoi na socruithe atá de dhíth ort faoi rún daingean.

Má éiríonn leat, ní sheolafar eolas a thugann tú dúinn faoin míchumas atá ort ag an staid seo den phróiseas ar aghaidh chuig an roinn fostaíochta, ach amháin má iarrann tú orainn seo a dhéanamh.

Má chuir tú in iúl ar d’fhoirm iarratais/phróifíl go bhfuil cóiríocht réasúnta ag teastáil uait, cuir tuairisc ó shíceolaí/tuairisc leighis ar aghaidh chuig Tá an seoladh ríomhphoist seo á chosaint ó róbait thurscair. Tá ort JavaScript a chumasú le hamharc air.

Is é is cúis leis an tuairisc eolas a thabhairt don tSCP ionas gur féidir cóiríocht réasúnta a chur ar fáil más cuí. Maidir leis an eolas sna tuairiscí sin atá cabhrach dúinn, tá an t-eolas seo a leanas san áireamh: torthaí aon tástálacha diagnóiseacha a rinne do shíceoalí/dhochtúir, agus achoimre ón síceolaí/dochtúir ar mholtaí maidir le do riachtanais. Is féidir leat codanna de thuairiscí leighis/thuairiscí ó shíceolaí a cheilt (a bhaint amach) má cheapann tú go bhfuil siad íogair nó nach bhfuil gá leo.

TNí mór na tuairiscí seo a chur ar aghaidh chuig aonad na Seirbhísí Measúnaithe roimh am dúnta gnó ar an Déardaoin 31 Márta, 2022. Ní mór duit cóip scanta den tuairisc a sheoladh, trí mheán an ríomhphoist, chuig Tá an seoladh ríomhphoist seo á chosaint ó róbait thurscair. Tá ort JavaScript a chumasú le hamharc air.

Má rinne tú iarratas ar chomórtas cheana leis an tSCP agus má chuir tú tuairisc isteach, seol ríomhphost chuig Tá an seoladh ríomhphoist seo á chosaint ó róbait thurscair. Tá ort JavaScript a chumasú le hamharc air. chun a dheimhniú go bhfuil do thuairisc fos ar taifead.

IMás mian leat plé a dhéanamh ar d’iarrthóireacht agus ar chóiríocht réasúnta ar féidir léi cabhrú leat le linn an phróisis earcaíochta, téigh i dteagmháil lenár dTacadóir Míchumais, Amanda Kavanagh ag Tá an seoladh ríomhphoist seo á chosaint ó róbait thurscair. Tá ort JavaScript a chumasú le hamharc air.. Chun tuilleadh eolais a fháil maidir le hinrochtaineacht ár seirbhíse, féach ar an leathanach ar a bhfuil eolas faoin Inrochtaineacht

6. Ní saoránach de chuid na hÉireann mé – an féidir liom iarratas a dhéanamh? ▾