An Fhoireann Bhainistíochta

Margaret McCabe

Príomhoifigeach Feidhmiúcháin

Ríomhphost: Tá an seoladh ríomhphoist seo á chosaint ó róbait thurscair. Tá ort JavaScript a chumasú le hamharc air.

Is í Margaret McCabe Príomhoifigeach Feidhmiúcháin na poistphoiblí, post ar ghlac sí leis ar an 1 Eanáir 2023. Sa ról seo, is í Margaret an tOifigeach Cuntasaíochta do Vóta na poistphoiblí. Tá sí freagrach don Bhord maidir le treoir éifeachtach a thabhairt agus bainistíocht agus rialú éifeachtach a dhéanamh ar riar agus ar ghnó na Seirbhíse um Cheapacháin Phoiblí. Mar Phríomhfheidhmeannach, tá sí freagrach as straitéis a fhorbairt agus a chur i bhfeidhm. Tá an obair seo a leanas san áireamh: a bheith ar an eolas faoi fhorbairtí i dtionscal na hearcaíochta agus níos mó éifeachtúlachta a chinntiú chun an leas is fearr a bhaint as caighdeán agus réimse na seirbhísí a chuirtear ar fáil do chliaint agus d’iarrthóirí, ag brath ar na hacmhainní atá ar fáil. Ina theannta sin, déanann Margaret luachanna agus dea-cháil na heagraíochta a chosaint.

Bhain Margaret gairm amach di féin sa státseirbhís agus tá taithí fhairsing faighte aici i réimse na hEarcaíochta agus an Roghnaithe. Sular thosaigh sí i ról an Phríomhfheidhmeannaigh, bhí sí ag obair mar Phríomhoifigeach Oibríochta agus, roimhe sin, d’oibrigh sí mar Cheannasaí Earcaíochta agus Roghnaithe sa poistphoiblí, post ina ndearna sí maoirseacht ar earcaíocht sa státseirbhís, sa Gharda Síochána agus i bhFeidhmeannacht na Seirbhíse Sláinte. Tá Máistreacht i réimse na nAD agus Ard-Dioplóma ón bhForas Riaracháin ag Margaret agus is céimí í i réimse an Chomhchuspóra.

Liatromach bródúil is ea í Margaret agus d’fhreastail sí ar Choláiste Marymount (iarbhunscoil) i gCora Droma Rúisc, agus thosaigh sí ag obair sa státseirbhís nuair a d’fhág sí an scoil. D’oibrigh sí mar chúntóir cléireachais ar dtús. Ó shin, rinne sí dul chun cinn go dtí barr na Seirbhíse um Cheapacháin Phoiblí agus is í an chéad Phríomhoifigeach Feidhmiúcháin inmheánach san eagraíocht le 22 bhliain í.

Cuireann Margaret éiteas earnála poiblí láidir chun cinn, agus tá sí tiomanta do sheirbhís phoiblí atá cothrom, ionchuimsitheach agus ina bhfuil éagsúlacht.

Michelle Noone

Ceannasaí na Straitéise Tallainne Earcaíochta

Ríomhphost: Tá an seoladh ríomhphoist seo á chosaint ó róbait thurscair. Tá ort JavaScript a chumasú le hamharc air.

Is í Michelle Ceannasaí na Straitéise Tallainne Earcaíochta in poistphoiblí, agus tá sí freagrach as treoir a thabhairt maidir le agus maoirseacht a dhéanamh ar sholáthar ár dtosaíochtaí earcaíochta straitéiseacha. Ina theannta sin, tugann sí treoir maidir le agus déanann sí maoirseacht ar ghníomhaíochtaí a bhaineann le hEarcaíocht d’Fheidhmeannaigh Shinsearacha, le hEarcaíocht do Chomhairligh Leighis, le Cuardach d’Fheidhmeannaigh, agus le hEarcaíocht do Bhoird Stáit, an próiseas ceapacháin do Chathaoirligh agus Stiúrthóirí Neamhfheidhmiúcháin ar bhoird i ngníomhaireachtaí stáit san áireamh. Sular thosaigh sí linn in 2014, d’oibrigh Michelle i réimse an Chuardaigh d’Fheidhmeannaigh in KPMG, a chuireann seirbhísí earcaíochta ar fáil do chliaint i gCuideachtaí Poiblí Teoranta, i gcuideachtaí Éireannacha agus i bhFiontair Bheaga agus Mheánmhéide i dtionscail éagsúla. Chuir sí tús lena gairm i réimse na nAcmhainní Daonna in PricewaterhouseCoopers i bPáras agus in Sydney.

Tá BA san Antraipeolaíocht agus Dioplóma sa Chleachtas Earcaíochta ag Michelle, agus tá Fraincis líofa aici.

Sandra Cairns

Ceannasaí Aimsithe Tallainne don Státseirbhís

Ríomhphost: Tá an seoladh ríomhphoist seo á chosaint ó róbait thurscair. Tá ort JavaScript a chumasú le hamharc air.

Thosaigh Sandra sa poistphoiblí in 1998 agus tá sí freagrach as dea-chleachtais san earcaíocht a chur chun cinn agus as iarrthóirí den chéad scoth a aithint do róil éagsúla sa státseirbhís. Cinntíonn Sandra go mbaintear ardchaighdeáin soláthair seirbhíse amach, ina gcuirtear na riachtanais a bhíonn ag cliaint agus ag iarrthóirí, a bhíonn ag síorathrú, san áireamh i réimse iomaíoch. Sular thosaigh Sandra linn, d’oibrigh sí sa Roinn Cosanta, sa Roinn Coimirce Sóisialta agus sa Phríomh-Oifig Staidrimh. Tá B.A. aici sa Bhainistíocht Acmhainní Daonna agus Máistreacht san Eolaíocht Eacnamaíochta (Anailís Bheartais) chomh maith.

Catherine Dobbins

Ceannasaí na Seirbhísí Corporáideacha

Ríomhphost: Tá an seoladh ríomhphoist seo á chosaint ó róbait thurscair. Tá ort JavaScript a chumasú le hamharc air.

Is í Catherine Dobbins, Ceannasaí na Seirbhísí Corparáideacha in poistphoiblí. Tá sí ina státseirbhíseach le fada agus bhí róil éagsúla aici in poistphoiblí le linn na mblianta, i réimse na hearcaíochta agus an roghnaithe agus i réimse na seirbhísí corparáideacha. Tá Catherine freagrach as na réimsí seo a leanas faoi láthair: Daoine agus Cultúr; Comhionannas, Éagsúlacht agus Ionchuimsiú; Comhlíonadh agus Rialachas Faisnéise; agus Caighdeáin agus Rialachas Corparáideacha, agus feidhmíonn sí mar Rúnaí ar Bhord poistphoiblí. Tá Máistreacht sa tSíceolaíocht agus sa Dlí Idirnáisiúnta ag Catherine, mar aon le Teastas iarchéime sa Rialachas Corparáideach.

Aoife Lyons

Ceannasaí na Seirbhísí Measúnaithe agus an Taighde

Ríomhphost: Tá an seoladh ríomhphoist seo á chosaint ó róbait thurscair. Tá ort JavaScript a chumasú le hamharc air.

Is í Aoife Lyons an Síceolaí Sinsearach agus Ceannasaí na Seirbhísí Measúnaithe agus Taighde in poistphoiblí. Mar chuid thábhachtach dá ról, cuireann sí bearta measúnaithe éifeachtacha a chloíonn le dea-chleachtas i bhfeidhm chun na hiarrthóirí is fearr is féidir a roghnú dár gcliaint. Is Síceolaí Cairte Oibre agus Eagraíochta í Aoife, a bhain céim mháistreachta amach in Ollscoil Mhanchain. Chaith Aoife roinnt blianta ag obair i réimse an Chomhairliúcháin le soláthraí Tástálacha Earcaíochta mór sular thosaigh sí in poistphoiblí in 2002 chomh maith.

Rosemarie O'Mahony

Ceannasaí an Athraithe Dhigitigh, na Straitéise agus na Nuálaíochta

Ríomhphost: Tá an seoladh ríomhphoist seo á chosaint ó róbait thurscair. Tá ort JavaScript a chumasú le hamharc air.

Is í Rosemarie Príomhoifigeach Teicneolaíochta poistphoiblí. Tá Rosemarie agus a cuid foirne freagrach as straitéis teicneolaíochta na heagraíochta a fhorbairt agus a chur i bhfeidhm, ag déanamh maoirseachta ar oibríochtaí teicniúla, agus ag cinntiú go dtacaíonn an t-ollstruchtúr teicneolaíochta lenár gcuspóirí gnó ginearálta. Tá céim onóracha ag Rosemarie san Eolaíocht Ríomhaireachta ó Choláiste na Tríonóide, Baile Átha Cliath, céim mháistreachta sa Bhainistíocht Tionscadail ó Ollscoil Luimnigh, agus tá teastas aici sa Bhainistíocht Acmhainní Daonna, agus is céimí Common Purpose agus Roffey Park í.

Sinead Coleman

Ceannasaí Aimsithe Tallainne don tSeirbhís Phoiblí

Ríomhphost: Tá an seoladh ríomhphoist seo á chosaint ó róbait thurscair. Tá ort JavaScript a chumasú le hamharc air.

Tá Sinéad Coleman ina Ceannasaí Aimsithe Tallainne don tSeirbhís Phoiblí ó mhí na Samhna 2022. Sular thosaigh sí sa ról seo, bhí Sinéad ag obair mar Cheannasaí na hEarcaíochta Gairmiúla agus Teicniúla sa poistphoiblí. Chaith Sinéad roinnt blianta ag obair san earnáil phríobháideach chomh maith, ag obair in CPL/Microsoft i ról AD go díreach sular thosaigh sí sa poistphoiblí in 2014. Tá céim ghnó ag Sinéad ó Choláiste na Tríonóide, Baile Átha Cliath, mar aon le máistreacht sa bhainistíocht acmhainní daonna ó Scoil Ghnó Iarchéime Michael Smurfit, COBÁC.

Eimear O'Connor

Ceannasaí na nOibríochtaí Earcaíochta agus an tSoláthair Seirbhísí

Ríomhphost: Tá an seoladh ríomhphoist seo á chosaint ó róbait thurscair. Tá ort JavaScript a chumasú le hamharc air.

Tá Eimear freagrach as oibríochtaí a bhaineann le gníomhaíochtaí earcaíochta sa poistphoiblí a chothabháil agus a bharrfheabhsú. Sular thosaigh sí sa státseirbhís in 2021, d’oibrigh Eimear in eagraíochtaí Leathstáit agus Ollscoile i róil i réimsí éagsúla, m.sh. Oibríochtaí, Saoráidí, AD agus Bainistíocht Athruithe. Tá B.A. sa Bhéarla agus i Sibhialtacht na Gréige agus na Róimhe ag Eimear, mar aon le M.A. sa Léann Meiriceánach ó COBÁC agus chríochnaigh sí MSc san Iompar Oibre agus Eagraíochta in Ollscoil Chathair Bhaile Átha Cliath in 2019.

Fiona Morgan

Ceannasaí Aonad na nDaoine agus an Chultúir

Ríomhphost: Tá an seoladh ríomhphoist seo á chosaint ó róbait thurscair. Tá ort JavaScript a chumasú le hamharc air.

Thosaigh Fiona ag obair sa státseirbhís in 2018 mar Bhainisteoir AD in OOP, sular bhog sí go dtí poistphoiblí in 2023. Mar Cheannasaí Aonad na nDaoine agus an Chultúir, tá Fiona freagrach as cleachtais daoine a chur i bhfeidhm a chabhraíonn leis an eagraíocht stádas a bhaint amach mar Fhostóir de Rogha. Sular thosaigh sí sa Státseirbhís, d’oibrigh Fiona i róil bhainistíochta shinsearacha san earnáil phríobháideach agus in earnáil na nENR. Tá Máistreacht sa Bhainistíocht AD ag Fiona agus tá sí ag tabhairt faoi Dhioplóma Gairmiúil san Iompar Eagraíochta faoi láthair.

Cuir aithne ar ár mBord

Tá Bord Reatha na SCP mar seo a leanas:

• Tom Moran, Uas
  Cathaoirleach
• Mary Connaughton, Uas
  Stiurthóir na hInstitiúide Chairte um Pheasanra agus Fhorbairt in Éirinn
• Yvonne Cooke, Uas
  Stiúrthóir Feidhmiúcháin na nAcmhainní Daonna, An Garda Síochána
• Fiona Quinn, Uas
  Rúnaí Cúnta, an Roinn Tithíochta, Rialtais Áitiúil agus Oidhreachta
• Margaret McCabe, Uas
  Príomhoifigeach Feidhmiúcháin,
  poistphoiblí
• Colin Menton, Uas
  Rúndaí Cúnta, An Roinn Caiteachais Phoiblí, Bonneagair, Athchóiriúcháin Seirbhíse Poiblí agus Digitiúcháin
• Anne Marie Hoey, Uas
  Stiúrthóir Náisiúnta na nAD, FSS