Is é poistphoiblí, trí publicjobs.ie, an soláthraí lárnach seirbhísí earcaíochta don státseirbhís, mar aon le 150 foras poiblí in Éirinn. De bharr go bhfuil dea-cháil orainn i dtaca le roghnú neamhspleách atá bunaithe ar fhiúntas, cuireann muid próiseas earcaíochta cothrom ar fáil chun iarrthóirí den chéad scoth a aimsiú do róil san earnáil phoiblí. Tá sé de phribhléid ag poistphoiblí tacú le rialtas na hÉireann agus lena gcliaint i dtaca le seirbhísí poiblí nuálacha agus cruthaitheacha a chur ar fáil, trí lucht saothair cumasach agus díograiseach ina bhfuil éagsúlacht le brath, agus ar léiriú é ar éagsúlacht na sochaí ar a bhfreastalaíonn sé, a chur ar fáil.
Is Seirbhísí Poiblí Níos Fearr - Straitéis Athchóirithe na Seirbhíse Poiblí, 2030 [PDF] faoi Ghné 2 – Lucht Saothair agus Eagraíochtaí na Todhchaí, luann an Rialtas go bhfuil sé tiomanta do ‘S[h]eirbhís Phoiblí ina bhfuil níos mó éagsúlachta, atá níos solúbtha agus níos ionchuimsithí agus a thugann léargas ar shochaí na hÉireann a chinntiú chun freastal ar an Rialtas agus ar an bpobal ar bhealach níos fearr.”
Ár bhFís
Aitheantas a fháil mar ionad bairr feabhais i réimse na hearcaíochta, as a bhfuil muinín ag na daoine ar a bhfreastalaímid.
Ár Misean
Daoine éagsúla a earcú a bhfuil an cumas, an dea-cháil agus an tiomantas acu a bheith ag soláthar ar son na hÉireann.
Chun tacú leis an iarracht leanúnach seo, sheol an tSCP Straitéis CÉ&C
in 2021, ina leagtar amach trí phríomhréimse athraithe ar chóir díriú orthu chun earcaíocht ionchuimsitheach a chinntiú do gach iarrthóir, lena n-áirítear:
01.
Sonraí agus tuiscint níos fearr a fháil ar na daoine atá ag cur isteach ar róil agus ar na daoine a cheaptar i róil sa státseirbhís agus sa tseirbhís phoiblí.
02.
Próisis níos fearr a fhorbairt chun taithí earcaíochta chothrom a chinntiú do gach iarrthóir.
03.
Tionchar a imirt ar chliaint, ar chomhpháirtithe, agus ar pháirtithe leasmhara agus iad a spreagadh chun tacú le hearcaíocht ionchuimsitheach agus le hionaid oibre níos cothroime.
Inrochtaineacht
Más iarrthóir thú atá faoi mhíchumas agus má úsáideann tú an suíomh gréasáin seo agus má tá fadhb agat le rochtain a fháil ar an suíomh nó más mian leat aon ní a bhaineann le hinrochtaineacht ár bhfoirgnimh nó ár seirbhíse a phlé, téigh i dteagmháil lenár dTacadóir Míchumais, Amanda
Tacadóir Míchumais,
Amanda Kavanagh
Ríomhphost:
Guthán: (01) 8587655
Ceisteanna nach mbaineann le cúrsaí míchumais
Ríomhphos:
Socruithe Réasúnta
Tá sé mar aidhm againn cóiríocht réasúnta chuí a chur ar fáil duit sa phróiseas roghnaithe chun an deis is fearr a thabhairt duit feidhmiú chomh maith agus atá ar do chumas sa phróiseas iarratais, tástála agus agallaimh.
Chun tuilleadh eolais a fháil faoi shocruithe réasúnta
Chun comhairle a fháil faoin gcéim iarratais, tástála agus agallaimh, téigh chuig
Cairt um Thacaíocht Dhearfach
Chun tacaíocht dhearfach a thabhairt d’iarrthóirí faoi mhíchumas, d’fhorbraíomar sraith prionsabal a léiríonn an chaoi a bpléimid le hiarrthóirí faoi mhícumas.
I gcás iarrthóirí a dúirt linn go bhfuil siad faoi mhíchumas, cinnteoimid go gcuirfimid cóiríocht réasúnta in áit, de réir mar a leagtar amach sa Chairt um Thacaíocht Dhearfach >
Sonraí, eolas agus
léargas níos fearr
In 2022, choimisiúnaigh poistphoiblí an Institiúid Taighde Eacnamaíochta agus Sóisialta chun breathnú ar ár sonraí a bhaineann le montaóireacht chomhionannais chun seasmhacht agus inúsáidteacht na sonraí a mheas chun athruithe a chur chun cinn. I mí an Mhárta 2023, chun béim a leagan ar an Athbhreithniú ar Shonraí i dtaca leis an Monatóireacht Chomhionannais, thug muid saineolaithe áitiúla agus idirnáisiúnta le chéile i gCaisleán Bhaile Átha Cliath do chomhdháil lae dar teideal 'Tá Tusa Tábhachtach’ - Earnáil Phoiblí Ionchuimsitheach ina bhfuil Éagsúlacht le brath a Fhorbairt chun plé a dhéanamh ar an gcaoi ar féidir úsáid a bhaint as sonraí chun tacú le héagsúlacht agus cuimsiú in ionaid oibre a bhíonn ag síorathrú. Is céim thábhachtach é an t-athbhreithniú seo maidir le bunús láidir i dtaca le sonraí comhionannais, mar aon le taithí ón bhfíorshaol, a fhorbairt chun cur le héagsúlacht agus cuimsiú san earnáil phoiblí agus chun éagsúlacht agus cuimsiú a chur chun cinn san earnáil phoiblí. Dá bharr, tá bunlíne ag poistphoiblí ar féidir úsáid a bhaint aisti chun dul chun cinn a thomhas agus bhí poistphoiblí in ann spriocanna a leagan amach in NUA-26 i dtaca le hionadaíocht do ghrúpaí faoi ghannionadaíocht a mhéadú.
Maidir leis an gcéad chéim eile sa tionscadal seo, déanfar sonraí a bhaineann leis an monatóireacht chomhionannais a chomhtháthú agus cuirfear tús leis an bpróiseas chun treochtaí atá bunaithe ar shonraí a aithint i bpróisis iarratais, mheasúnaithe, agus cheapacháin.
Chun eolas a fháil faoin gcomhdháil ‘Tá Tusa Tábhachtach’ - Earnáil Phoiblí Ionchuimsitheach ina bhfuil Éagsúlacht le brath a Fhorbairt, féach ar
Próisis Níos Fearr
Á mhaoiniú ag Ciste Nuálaíochta na Seirbhíse Poiblí, glacadh cur chuige comhdhearadh i dtaca lena chinntiú go bhfuil an próiseas ceapacháin agus ionduchtaithe níos cothroime agus níos inrochtana d’iarrthóirí faoi mhíchumas inár dtionscadal Cur Chuige i leith Socruithe Réasúnta do Dhaoine Faoi Mhíchumas.
Mar chomhpháirtí soláthair an tionscadail, thug Tilting the Lens, os cionn 100 duine ó 30 eagraíocht sa státseirbhís agus san earnáil phoiblí, mar aon le páirtithe leasmhara eile, le chéile chun páirt a ghlacadh i modheolaíocht chomhoibríoch – bhí cliaint, iarrthóirí, tacadóirí míchumais, eagraíochtaí tacaíochta agus ceardchumainn san áireamh. Cuireadh dhá chruinniú Halla an Bhaile ar siúl sa státseirbhís mar chuid den tionscadal seo ag ar fheidhmigh Sinéad Burke mar óstaí agus d’fhreastail os cionn 700 fostaí orthu. Tríd an bpróiseas idéú agus deimhnithe seo, roinn an grúpa tionscadail naoi moladh.
Baineann na moltaí le poistphoiblí agus leis an státseirbhís agus an earnáil phoiblí agus leagadh amach iad faoi na teidil seo a leanas: Daoine agus Cultúr; Próisis agus Córais; Rialachas agus Beartas. Baineann cuid de na moltaí seo le próisis earcaíochta agus baineann cuid eile acu le hathruithe sa tseirbhís i gcoitinne agus le tacaíocht do chomhghleacaithe ar fud na hearnála poiblí. Dearadh na moltaí seo chun cabhrú le forais phoiblí bearta trédhearcacha a chur i bhfeidhm agus a thuairisciú chun athruithe dearfacha fadtéarmacha a chur i bhfeidhm i réimse an cheapacháin agus an ionduchtaithe.
Constaicí a bhaint
I Straitéis an Rialtais i dtaca le hImircigh a Imeascadh (2017-2021), leagtar amach an gealltanas i dtaca le himeascadh imirceach a chur chun cinn agus leagtar amach sprioc i dtaca le 1% fostaíochta do dhaoine nach saoránaigh den LEE iad agus do dhaoine ó mhionlaigh eitneacha sa státseirbhís. Bunaithe ar athbhreithniú a rinne an Institiúid Taighde Eacnamaíochta agus Sóisialta ar shonraí i dtaca leis an monatóireacht chomhionannais ag an gcéim iarratais agus ag an gcéim cheapacháin (2019-2021), níor tháinig ach 3% d’iarratais isteach ó iarrthóirí ó mhionlaigh eitneacha.
Ag obair le Open Doors, Fragomen, d’aithin poistphoiblí gur féidir leis na critéir cháilitheachta shrianta a bheith mar chonstaic do dhaoine cumasacha ó chúlra imircigh a chuireann isteach ar agus a cheaptar i róil sa státseirbhís. Athbhreithniú idir-rannach (DPENDER, DECDIY, DETE, DoJ san áireamh) atá ag obair chun athbhreithniú a dhéanamh ar cheadú inimircigh breise a d’fhéadfadh a bheith san áireamh sna critéir cháilitheachta chun buíon na n-iarrthóirí a chuireann isteach ar róil sa státseirbhís a leathnú.
Ón 1 Meán Fómhair 2023, tá athrú curtha i bhfeidhm ar na riachtanais saoránachta d’fhostaíocht sa státseirbhís; go háirithe, fuarthas réidh leis an riachtanas a bhí i bhfeidhm i dtaca le nasc teaghlaigh leis an AE agus cead faoi stampa 4. Ní bheidh aon choinníoll i bhfeidhm do dhaoine a bhfuil víosa Stampa 4 acu. I mí Aibreáin 2024, leathnaíodh é seo chun gach duine a bhfuil Stampa 4 acu a chlúdach chomh maith. Tuairiscíodh an t-athrú seo sna meáin, lena n-áirítear The Irish Times agus RTÉ.
Conairí Fostaíochta
Ionchuimsitheacha
Tá níos mó fianaise ann anois gur féidir le grúpaí faoi ghannionadaíocht tairbhe a bhaint as conairí breise a d’fhéadfadh iad a cheangal le conairí gairme buana, m.sh. intéirneachtaí, cúrsaí oiliúna, printíseachtaí, agus socrúcháin oibre. Tá poistphoiblí agus roinnt ranna comhpháirtíochta sa státseirbhís ag obair chun conairí fostaíochta níos ionchuimsithí a fhorbairt.
Intéirneacht do Bhaill den
Lucht Siúil agus den Phobal Romach
Tá sé mar aidhm ag an intéirneacht lánaimseartha ar íocaíocht seo a mhaireann 12 mhí, faoi stiúir na Roinne Dlí agus Cirt, dul i ngleic leis an ngannionadaíocht do bhaill den Lucht Siúil agus de phobail Romacha a bhí le brath go traidisiúnta in ionaid oibre, an státseirbhís san áireamh. Seoladh an clár in 2022 agus cuireadh ochtar intéirneach ón dá phobal ag obair i róil OF nó OC i ranna a ghlac páirt sa chlár (poistphoiblí, an Roinn Dlí agus Cirt, an Roinn Talmhaíochta, Bia agus Mara, agus Tithe an Oireachtais).
Bhain na hintéirnigh leas as taithí phraiticiúil ar an láthair, agus faigheann siad an deis iad féin a fhorbairt ag leibhéal gairmiúil agus pearsanta trí chúrsaí oiliúna faofa. Bunaíodh gréasán piaraí; tá róil bhuana sheasmhacha ag 60 faoin gcéad de na hintéirnigh sa státseirbhís go dtí seo.
Tá an chéad leagan eile den chlár á fhorbairt faoi láthair. Má tá tuilleadh eolais uait, is féidir leat dul i dteagmháil le
Clár WAM
(Willing Able Mentoring)
Tá tacaíocht á tabhairt ag poistphoiblí do chlár seanbhunaithe de chuid Ahead dar teideal Willing Able & Mentoring (WAM). Is clár intéirneachta ar íocaíocht a mhaireann 10 mí é seo atá dírithe ar chéimithe (Leibhéal 6 agus níos airde) faoi mhíchumas
Tugann an clár, a dearadh chun rochtain ar an margadh fostaíochta a chur chun cinn, deis do rannpháirtithe taithí oibre a fháil, scileanna nua a fhoghlaim, a ngairmeacha a fhorbairt, agus tacaíocht a fháil le linn a socrúcháin. In 2022, forbraíodh conair chuig post buan i ndiaidh an tsocrúcháin den chéad uair agus fuair 80% de rannpháirtithe róil sa tseirbhís ó shin, rud a léiríonn gur féidir leas a bhaint as modhanna éagsúla earcaíochta chun na scileanna atá ag teastáil dár seirbhísí poiblí amach anseo a mhealladh, a mheas agus a earcú ar bhealach éifeachtach.
Rannpháirtithe
Tá a fhios agam anois go bhfuil sé tábhachtach do scíth a ligean, rudaí a fhoghlaim agus sult a bhaint as a bheith ag obair agus as dea-chaidreamh a chothú le comhghleacaithe. Mholfainn do chéimithe eile smaoineamh ar obair a dhéanamh sa Státseirbhís. Is dea-thaithí é agus déanann tú cairde - bhí mé an-tógtha leis an ionad oibre sin.
// Maeve Dermody, An Roinn Talmhaíochta, Bia agus Mara
Tuigim anois gur chóir dom mo scíth a ligean agus sult as bhaint as an taithí. Níor chóir dom mé féin a thuiscint mar dhuine atá difriúil ó dhaoine eile, fiú mura bhfuil a lán fostaithe faoi mhíchumas san eagraíocht. Go dtí go gcuirtear an próiseas ginearálta earcaíochta in oiriúint dóibh siúd atá faoi mhíchumas agus go dtí go ndírítear ar phoist ar leith, ba chóir níos mó úsáide a bhaint as Clár WAM mar bhealach iontrála do chéimithe atá faoi mhíchumas.
// Rachel Naughton, Seirbhísí Dlí, An Garda Síochána
Ná bíodh eagla ort roimh dhúshláin. Bí cinnte go bhfuil tú mar chuid den slua san ionad oibre agus tabhair comhairle d’fhostóirí faoi na rudaí atá ag teastáil uait.
// Kevin Stanley, An tÚdarás Clárúcháin Maoine in Éirinn
Bainisteoirí
Bhí dúshláin i gceist. Chun dul i ngleic leo, bhí orainn iad a aithint go luath agus tacaíocht a lorg chun déileáil leo. Bíonn gach duine thíos leis nuair nach dtéitear i ngleic le ceisteanna nuair a thagann siad chun tosaigh.
// Lisa Sheedy, Príomhoifigeach Cúnta sa Roinn Gnóthaí Fostaíochta agus Coimirce Sóisialaí
Bíonn buntáistí i gceist sa timpeallacht oibre, i dtaca le céimí a fháil a bhfuil na scileanna cuí acu, ach bíonn buntáistí i gceist i d’aonad féin chomh maith i dtaca le tuairimí agus claontacht a cheistiú agus comhionannas a chur chun cinn, rud atá fíorthábhachtach d’aon bhainisteoir sa Státseirbhís.
// Linda Walsh, Príomhoifigeach Cúnta in Oifig na gCoimisinéirí Ioncaim atá freagrach as reachtaíocht Chustaim
Clár Oibre Foghlama
an Oireachtais (OWL)
Tacaíonn Seirbhís Thithe an Oireachtais, i gcomhar le KARE agus WALK, an clár ‘OWL’, a bhfuil duaiseanna buaite aige. I mí Mheán Fómhair 2023, glacadh ochtar daoine nua faoi oiliúint isteach agus tá siad ag dul tríd an gclár feidhmeach foghlama, forbartha, agus sóisialaithe seo do dhaoine fásta atá faoi mhíchumas intleachta a mhaireann 11 mhí. Bunaíodh an clár in 2019 agus tá 17 chéimí OWL i róil bhuana, pháirtaimseartha sa státseirbhís faoi láthair.
Is clár feidhmeach foghlama, forbartha agus sóisialaithe do dhaoine fásta faoi mhíchumas intleachta a bhfuil duaiseanna buaite aige é Clár Oibre Foghlama an Oireachtais (OWL) a mhaireann 11 mhí.
Tacaíonn Tithe an Oireachtais leis an gclár i gcomhar leis na compháirtithe tacaíochta míchumais KARE > agus WALK >.
Tá sé mar aidhm ag an gclár ‘OWL’ na scileanna, an t-eolas agus an cumas cuí le teacht ar fhostaíocht fhiúntach ar íocaíocht a chur ar fáil do dhaoine faoi oiliúint. Cuireann sé deis ar leith ar fáil do rannpháirtithe taithí oibre phraiticiúil a fháil, mar aon le creidiúnú a chur ar fáil dá bhfoghlaim. Tá muid sa cheathrú bliain den chlár anois.
In 2023, bhí dháréag tar éis socrúchán OWL a chomhlíonadh agus tá siad i róil bhuana sa státseirbhís (ag grád an Oifigigh Chléireachais agus ag grád an Oifigigh Feidhmiúcháin). Chun tuilleadh eolais a fháil, is féidir leat dul i dteagmháil le Róisín Deery ag
Acmhainní
Faigh tuilleadh eolais faoin gcaoi ar féidir cuimsiú eagraíochta a fheabhsú agus páirt a ghlacadh sa chlár.
Téigh go suíomh OWLTreoir maidir le Fostaíocht Ionchuimsitheach a chur chun cinn
Íoslódáil an treoir
Bhuel, ar an gcéad dul síos, thug sé an mhuinín dom atá ag teastáil chun a bheith ag obair agus chun mo thuairimí a chur in iúl.
// Andrew
Rannpháirtí i gClár Foghlama Oibre an Oireachtais
D’fhoghlaim mé conas mo mhuinín a fhorbairt, mar ní bhím rómhaith le daoine eile de ghnáth
// Daniel,
Rannpháirtí i gClár Foghlama Oibre an Oireachtais
“Is é seo an rud is fearr a rinne mé riamh. Is breá liom a bheith in ann a bheith ag obair i mBaile Átha Cliath agus mo phá a fháil.
// Craig
Rannpháirtí i gClár Foghlama Oibre an Oireachtais
Conas is féidir liom iarratas a chur
isteach le bheith i m’Oiliúnaí OWL?
An chéad chéim:
Téigh i dteagmháil le WALK > nó KARE > ag brath ar an áit ina bhuil cónaí ort. Seolfaidh siadsan foirm iarratais agus tuilleadh eolais chugat.
Má tá cónaí ort i gceantar Bhaile Átha Cliath, téigh i dteagmháil le Vicki Hogan
Comhordaitheoir na gclár seirbhíse lae in WALK ag
Má tá cónaí ort i gceantar Chill Dara, téigh i dteagmháil le Peter Furlong
Bainisteoir oibríochtaí in KARE
Ríomhphos:
Ag cabhrú leat barr do
chumais a bhaint amach
Anseo ag poistphoiblí, ba mhaith linn cabhrú leat barr do chumais a bhaint amach ag gach céim sa phróiseas earcaíochta. Chun teacht ar threoir, féach ar na naisc thíos
Ár bPróiseas 
Ceisteanna 
