Is féidir le máinlianna speisialtóireacht a dhéanamh i gceann de na disciplíní máinliachta seo a leanas:

Seachadadh Seirbhíse Máinliachta

Oibríonn comhairleoirí máinliachta, ar fud na bhfospeisialtóirí, mar chuid d’fhoireann ildisciplíneach chun na torthaí is fearr a bhaint amach dá n-othair lena n-áirítear daoine fásta, othair mháithreachais agus othair phéidiatraiceacha. Beidh cur chuige comhoibríoch máinliachta de dhíth ar go leor othair mháinliachta a bhainfidh le níos mó ná speisialtacht mháinliachta amháin; agus foirne Ota-laraingeolaíochta agus Cinn is Muiníl, Máinliachta Béil agus Mascaille, Máinliachta Plaistí Athchruthaithí agus Máinliachta Phéidiatraicí ag obair as lámha a chéile maidir leis na céimeanna éagsúla i dtaobh Bearna Mhíl agus Carbaill a cheartú, mar shampla.

Mar aon le máinlianna comhairleacha a oibríonn le comhghleacaithe máinliachta eile ar fud speisialtachtaí eile, oibreoidh siad freisin mar chuid d'fhoireann ildisciplíneach níos leithne le raon éagsúil gairmithe sláinte speisialaithe.

Is iondúil go n-oibríonn máinlia comhairleach i/idir roinnt ospidéil phoiblí ar chóras líonra na n-ospidéal, a bhfuil suíomhanna ‘mol agus spóca’ i gceist leo, ar fud roinnt de na Grúpaí Ospidéal Náisiúnta, agus féadfaidh siad cleachtas máinliachta príobháideach a chur ar fáil freisin. Cuirtear formhór na ngnáthamh máinliachta i gcrích i suíomh ospidéil ghéarmhíochaine, ach is féidir seirbhísí réamhobráide agus iar-obráide a sholáthar in ospidéil ghéarmhíochaine agus i suíomhanna pobail araon, lena n-áirítear aonaid othar cónaitheach, ospidéil lae agus clinicí othar seachtrach, agus moltar sna treoirlínte dea-chleachtais lánleas a bhaint as acmhainní an phobail, nuair is cuí.

Gach folúntas
máinliachta a fheiceáil