In poistphoiblí, tá muid bródúil as urraíocht a dhéanamh arís ar an Duais d’Eagraíocht Seirbhíse Poiblí na Bliana mar chuid de na Duaiseanna Náisiúnta um Éagsúlacht agus Ionchuimsiú 2025, a bheidh ar siúl in Óstán Clayton, Droichead na Dothra, Baile Átha Cliath 4, ar an Aoine 7 Feabhra 2025. Fógraíodh na daoine a bheidh sa bhabhta ceannais ag imeacht san RDS ar an gCéadaoin 20 Samhain 2024.
Is iad na Duaiseanna Náisiúnta um Éagsúlacht agus Ionchuimsitheach an searmanas duaiseanna amháin a dhéanann ceiliúradh ar dhul chun cinn i réimse na héagsúlachta agus an ionchuimsithe in Éirinn. An tríú bliain den searmanas duaiseanna a bheidh i gceist in 2025, agus beidh 12 chatagóir i gceist a chlúdóidh gach réimse den Éagsúlacht agus den Ionchuimsiú. Bhí sé saor in aisce iontráil a chur isteach do na duaiseanna agus cuireadh fáilte roimh aighneachtaí ó ghnólachtaí de gach méid agus ó gach earnáil - tá catagóirí ann do cheannairí, do chomhghleacaithe, do thionscnaimh san ionad oibre agus d’fhorais earnála poiblí a dhéanann difríocht mhór i réimse na hÉagsúlachta agus an Ionchuimsithe.
Óstálann an tIonad um Éagsúlacht in Éirinn na Duaiseanna Náisiúnta um Éagsúlacht agus Ionchuimsiú agus beidh painéal de shaineolaithe i réimse na hÉagsúlachta agus an Ionchuimsithe ann mar mholtóirí. Ó níos mó ná 180 iontráil, cuireadh sé iontráil ar an ngearrliosta don bhabhta ceannais i ngach ceann de na 12 chatagóir, tar éis dóibh dul i bhfeidhm ar an bpainéal moltóirí de bharr na hoibre iontaí atá déanta acu chun dul chun cinn a dhéanamh i réimse na hÉagsúlachta agus an Ionchuimsithe san ionad oibre. Is iad seo a leanas na hEagraíochtaí atá sa bhabhta ceannais don Duais d’Eagraíocht Earnála Poiblí na Bliana: Bord na Móna, Fáilte Ireland, HEAnet, HPRA, Uisce Éireann agus SOLAS. Chun breathnú ar liosta iomlán de na daoine/eagraíochtaí sna babhtaí ceannais, téigh chuig suíomh gréasáin na nDuaiseanna Náisiúnta um Éagsúlacht agus Ionchuimsiú.