Oifigeach Riaracháin

Béim ar Chúrsaí Digiteacha, Nuálaíocht & Uasoiliúint don Todhchaí

Béim ar Chúrsaí Digiteacha

• Baineann an duine an leas is fearr as réitigh teicneolaíochta agus dhigiteacha chun éifeachtacht a chur chun cinn agus chun tacú le soláthar seirbhíse níos fearr

Réitigh Nuálacha & Chruthaitheacha

• Cuireann an duine smaointe nuálacha, réitigh chruthaitheacha agus moltaí úsáideacha chun tosaigh, agus tuigeann siad an taobh praiticiúil a bhaineann leo
• Baineann an duine triail as modhanna nua/difriúla, léiríonn siad solúbthacht maidir le ceachtanna a fhoghlaim ó bhotúin, maidir le modhanna a athrú agus maidir le feabhas a chur ar mhodhanna

Uasoiliúint don Todhchaí

• Lorgaíonn an duine deiseanna forbartha ar bhealach gníomhach, forbraíonn siad buanna agus téann siad i ngleic le laigí/bearnaí le meon dearfach agus bíonn siad sásta rudaí nua a fhoghlaim
• Tá an duine díograiseach maidir lena gcuid eolais agus scileanna a fhorbairt don todhchaí

Tuiscint Straitéiseach & Athruithe

Tuiscint Straitéiseach & Béim ar an Todhchaí

• Cuireann an duine le beartas agus straitéis a fhorbairt agus déanann siad pleanáil don todhchaí ina réimse
• Tuigeann an duine áit a gcuid oibre san fhoireann i gcoitinne agus an chaoi a dtagann an obair seo le straitéis Eagraíochta/Roinne agus leagann siad spriocanna amach a chuireann le spriocanna straitéiseacha

Tuiscint ar Chomhthéasc

• Cinntíonn an duine go bhfuil siad eolach ar Pholasaithe Státseirbhíse agus fhorbairtí a bhaineann lena réimse féin
• Déanann an duine machnamh ar thionchar na bpolasaithe agus na straitéisí, lena n-áirítear na daoine/rudaí ar a mbíonn tionchar acu

Athruithe a Éascú

• Tugann an duine tacaíocht do dhaoine eile trí athruithe, cuireann siad béim ar na buntáistí a bhaineann le hathruithe, nuálaíocht agus teicneolaíocht nua
• Aithníonn agus déanann an duine moltaí i dtaca le hathruithe, bunaithe ar a n-anailís, a saineolas agus a dtuiscint féin

Barr Feabhais a Sholáthar

Bainistíocht Éifeachtach a dhéanamh ar Obair

• Déanann an duine tascanna oibre a bhainistiú, a phleanáil agus a chur in ord tosaíochta chun a chinntiú go mbaintear spriocanna amach agus go gcloítear le sprioc-amanna
• Oibríonn an duine ar bhealach córasach, eagraithe agus éifeachtach, faigheann siad tuiscint ar thascanna nua ar bhealach cuí
• Déanann an duine bainistíocht éifeachtach ar thionscadail, tuairiscíonn siad dul chun cinn agus dúshláin

Torthaí & Seirbhís ar Ardchaighdeán a Sholáthar

• Leagann an duine caighdeáin arda agus spriocanna amach agus déanann siad a ndícheall chun iad a bhaint amach
• Cinntíonn an duine go bhfuil nósanna imeachta i bhfeidhm chun a chinntiú go déantar obair ar ardchaighdeán
• Cuireann an duine seirbhís den scoth ar fáil do chustaiméirí agus tugann siad tús áite do thaithí an chustaiméara
• Lorgaíonn an duine aiseolas agus déanann siad soláthar a mheas i gcomparáid le torthaí atá ag teastáil

Dearcadh, Tionscnaíocht & Solúbthacht

• Léiríonn an duine tionscnaíocht agus neamhspleáchas agus tionscadail/obair a bhainistiú agus a chur chun cinn
• Tá teacht aniar sa duine agus léiríonn siad meon dearfach agus iad ag obair faoi bhrú nó faoi shrian, agus lorgaíonn siad tacaíocht nuair is gá
• Tá an duine solúbtha agus iad ag dul i ngleic le dúshláin agus le héilimh a bhíonn ag athrú

Anailís a Chinntiú, Breithiúnas a Thabhairt & Cinntí a Dhéanamh

Taighde & Anailís

• Scileanna láidre taighde, is féidir leis an duine sonraí a bhailiú ó fhoinsí éagsúla agus anailís a dhéanamh orthu chun eolas tábhachtach nó príomhcheisteanna a aithint
• Baineann an duine úsáid chuí as sonraí chun cur le taighde, beartas agus cinntí
• Déanann an duine anailís agus measúnú ar eolas casta ó bhéal agus eolas casta uimhriúil ar bhealach cuí agus pras

Fadhbanna a Réiteach

• Réitíonn an duine fadhbanna ar bhealach loighciúil, bailíonn siad eolas agus sonraí cuí, déanann siad iniúchadh ar réitigh éagsúla agus cuireann siad ceisteanna ar aghaidh nuair is gá

Breithiúnas Eolach a Thabhairt & Cinntí Eolacha a Dhéanamh

• Tugann an duine breithiúnas cothrom agus déanann siad cinntí cothroma, baineann siad úsáid as fianaise, taithí agus polasaithe/nósanna imeachta cuí
• Déanann an duine cinntí cuí agus prasa, agus lorgaíonn siad tacaíocht nuair is gá
• Léiríonn an duine breithiúnas maith agus iad ag plé le cásanna deacra, éiginnte agus ag plé le ceisteanna ar an toirt

Treoir a Thabhairt, Daoine a Spreagadh & Forbairt a Dhéanamh

Cumas Ceannaireachta, Oiliúint & Forbairt

• Léiríonn an duine cumas ceannaireachta trí oiliúint a chur ar fáil do dhaoine eile, trí thacaíocht a thabhairt do dhaoine eile agus trí dhaoine eile a spreagadh
• Tá tuiscint mhaith ag an duine ar bhuanna dhaoine eile agus déanann siad iarracht an leas is fearr a bhaint astu agus iad a fhorbairt
• Tugann an duine aiseolas agus/nó tacaíonn siad le bainistíocht feidhmíochta, de réir mar is cuí nó le tacaíocht ó bhainisteoirí

Cumhacht, Iontaoibh & Ionracas

• Tugann an duine cumhacht dá gcomhghleacaithe, tugann siad tascanna amach nuair is féidir agus bíonn meas acu ar na tuairimí a bhíonn ag daoine eile
• Tugann an duine cabhair maidir le timpeallacht ionchuimsitheach, sábháilte agus oscailte ina bhfuil an obair foirne chun tosaigh a chruthú
• Oibríonn an duine le hionracas, le macántacht agus le freagracht

Tuiscint Shóisialta & Mhothúchánach

• Tugann an duine tús áite dá bhfolláine féin agus d’fholláine dhaoine eile, léiríonn siad tuiscint, comhbhá agus tugann siad tacaíocht
• Léiríonn an duine féinthuiscint mhaith agus an cumas a gcuid mothúchán agus iompair féin a bhainistiú, go háirithe i gcásanna dúshlánacha

Treoir a thabhairt trí Thuiscint Speisialtachta

Eolas Speisialtachta & Forbairt Ghairmiúil

• Léiríonn a duine ardleibhéal saineolais speisialtachta agus eolais ina réimse
• Tá an duine tiomanta don Fhorbairt Ghairmiúil Leanúnach, glacann siad páirt i gcúrsaí, i gcomhdhálacha agus i ngníomhaíochtaí cuí chun a chinntiú go bhfuil a gcuid eolais cothrom le dáta

Treoir a Thabhairt, Abhcóideacht a Dhéanamh, Eolas a Roinnt

• Tugann an duine treoir agus déanann siad abhcóideacht ina réimse saineolais, trí thuiscintí, eolas, fhianaise agus réasúnaíocht a roinnt
• Tapaíonn an duine deiseanna chun eolas a roinnt agus a aistriú
• Tá an duine in ann téarmaí teicniúla a mhíniú ar bhealach sothuigthe

Ag Obair Go Neamhspleách

• Tá an duine in ann obair a dhéanamh go neamhspleách agus lena bhfoirne agus le réimsí/feidhmeanna eile
• Tá an duine compordach agus iad ag obair go neamhspleách, socraíonn siad an obair nach mór a dhéanamh agus an chaoi ar chóir í a dhéanamh, agus is féidir leo iad féin a spreagadh

Cumarsáid Éifeachtach a Dhéanamh & Éisteacht chun teacht ar Thuiscint

• Déanann an duine cumarsáid agus cuireann siad eolas i láthair ar bhealach soiléir, gairmiúil agus mealltach, i dtaca le cumarsáid ó bhéal, cumarsáid dhigiteach agus i gcumarsáid scríofa
• Roinneann an duine sonraí cuí agus cuireann siad eolas/sonraí cuí in iúl ar bhealach sothuigthe
• Léiríonn an duine tuiscint ar a m(h)odh cumarsáide féin, déanann siad a gcuid scileanna a fhorbairt agus athraíonn siad a stíl, de réir mar is cuí
• Tugann an duine tús áite don éagsúlacht agus déanann siad iarracht ghníomhach a chinntiú go gcloistear daoine agus éisteann siad le daoine agus tuairimí éagsúla

Scileanna i dtaca le Tionchar a Imirt & Scileanna Idirbheartaíochta

• Imríonn an duine tionchar ar dhaoine eile ar bhealach tuisceanach agus bíonn siad sásta comhréiteach a dhéanamh nuair is gá
• Tá an stíl a úsáideann an duine chun tionchar a imirt agus idirbheartaíocht a dhéanamh agus chun coimhlint a bhainistiú cuí agus measúil
• Téann an duine i ngleic le comhráite, ceisteanna nó idirbheartaíocht dheacair a dhéanamh ar bhealach tuisceanach, íogair, agus lorgaíonn siad tacaíocht nuair is gá

Líonrú, Teagmháil & Comhairliúchán

• Forbraíonn an duine líonraí úsáideacha ag leibhéal inmheánach, ag leibhéal seachtrach agus go hidirnáisiúnta
• Tugann an duine tús áite do theagmháil agus chomhairliúchán le páirtithe leasmhara cuí

Comhoibriú, Obair Foirne, & Caidrimh a Chothú

• Comhoibríonn an duine le daoine laistigh agus lasmuigh dá bhfoireann ar bhealach éifeachtach
• Baineann an duine úsáid as scileanna idirphearsanta chun dea-chaidrimh oibre a chothú, fiú i dtimpeallacht ina bhfuil obair chumaisc/hibrideach ar siúl
• Tugann an duine an t-eolas cuí agus an t-eolas is déanaí dá bhfoireann, dá gcomhghleacaithe agus dá mbainisteoir
• Cuireann an duine ceisteanna chun tuiscint a fháil ar an obair a bhíonn ar siúl i réimsí éagsúla agus tugann siad tacaíocht do thionscadail trasfheidhme nuair is féidir