Príomhoifigeach

Béim ar Chúrsaí Digiteacha, Nuálaíocht & Uasoiliúint don Todhchaí

Béim ar Chúrsaí Digiteacha

• Cuireann an duine an clár ina bhfuil cúrsaí digiteacha chun tosaigh chun cinn trína chinntiú go dtugtar tús áite d’uirlisí digiteacha agus do réitigh TF agus go gcuirtear i bhfeidhm iad

Nuálaíocht & Feabhsú Leanúnach

• Cuireann an duine réitigh nuálacha, chruthaitheacha agus phraiticiúla i bhfeidhm agus spreagann siad réitigh den chineál seo, agus déanann siad iarracht réitigh a fheabhsú i gcónaí
• Cruthaíonn an duine timpeallacht oscailte ina bhfuil iontaoibh chun tosaigh agus ina spreagtar daoine chun ceisteanna a chur, chun rioscaí tomhaiste a ghlacadh agus chun ceachtanna a fhoghlaim ó bhotúin

Uasoiliúint don Todhchaí

• Tá an duine díograiseach maidir lena gcuid saineolais, eolais agus scileanna féin a fhorbairt don todhchaí
• Cinntíonn siad go bhforbraíonn a ndaoine agus an Eagraíocht ullmhacht don todhchaí agus go gcothaítear daoine cumasacha chun dul i ngleic le riachtanais reatha agus riachtanais a bheidh ann amach anseo
• Lorgaíonn an duine deiseanna forbartha ar bhealach gníomhach agus déanann siad machnamh ar thaithí foghlama go rialta, agus tuigeann siad a mbuanna agus a laigí féin

Straitéis, Athruithe & Athchóiriú

Cumas & Fís Straitéiseach

• Forbraíonn an duine fís shoiléir agus plean straitéiseach dá réimse, leagann siad spriocanna amach a thagann le spriocanna Eagraíochta/Rialtais
• Cuireann an duine go gníomhach le forbairt straitéisí, pholasaithe agus spriocanna ginearálta na hEagraíochta/Roinne agus an Rialtais
• Déanann an duine measúnú ar rath agus thionchar na straitéisí reatha agus cuireann siad athruithe i bhferidhm de réir mar is gá

Tuiscint ar Chomhthéacs & Solúbthacht

• Tá tuiscint mhaith ag an duine ar Pholasaithe Státseirbhíse níos ginearálta agus ar fhorbairtí cuí san Earnáil Phoiblí agus san Earnáil Phríobháideach
• Bíonn an duine ag súil le, glacann siad le agus tugann siad freagairt ar fhorbairtí san earnáil agus sa timpeallacht sheachtrach, déanann siad athbhreithniú agus leasú ar phleananna straitéiseacha agus/nó oibríochta, de réir mar is gá

Athruithe & Athchóiriú a chur i bhfeidhm

• Tugann an duine treoir do dhaoine eile le linn tréimhsí ina bhfuil athruithe agus athchóiriú á chur i bhfeidhm – cuireann an duine fís shoiléir in iúl, éisteann siad le haiseolas agus téann siad i ngleic le ceisteanna
• Tugann an duine treoir maidir le hathruithe suntasacha agus hathchóiriú a chur i bhfeidhm, déanann siad measúnú criticiúil ar athruithe molta agus cuireann siad na leasuithe is fearr is féidir i bhfeidhm
• Éisteann an duine le agus tugann siad freagairt ar bhealach cuí ar cháineadh nó sa chás a bhfuil drogall ar dhaoine glacadh le hathruithe

Barr Feabhais a Sholáthar

Tugann an duine tús áite don Obair, d’Acmhainní & do Chaighdeáin

• Déanann an duine bainistíocht éifeachtach ar chláir éagsúla agus ar chláir oibre shuntasacha, tugann siad acmhainní amach nó aimsíonn siad acmhainní chun freastal ar thosaíochtaí
• Déanann an duine maoirseacht agus monatóireacht ar dhul chun cinn chun torthaí a bhaint amach i gcomparáid le príomhspriocanna Eagraíochta agus le tosaíochtaí i bpleananna gnó
• Cinntíonn an duine go leagtar ardchaighdeáin amach agus go gcloítear leo, tugann siad treoir le dea-shampla chun daoine a eile a spreagadh chun a bheith díograiseach maidir le caighdeáin

Cuntasacht, Freagracht & Rialáil

• Tugann an duine eolas cuí do pháirtithe leasmhara agus d’fhorais/d’fheidhmeannaighrialála go rialta agus ar bhealach cruinn
• Ina bhfoireann/bhfoirne, cuireann an duine an tábhacht a bhaineann le héagsúlacht, luach ar airgead, comhlíonadh le polasaithe/protacáil agus riachtanais rialála corparáidí chun cinn
• Glacann an duine freagracht astu féin agus as an bhfoireann

Foghlaim, Freagairt, Measúnú & Feabhsú

• Faigheann an duine tuiscint ar thascanna/róil nua go sciobtha, cuireann siad ceisteanna chun tuiscint a fháil ar riachtanais, eolas cuí agus íogaireacht
• Tá an duine solúbtha agus acmhainneach agus iad ag dul i ngleic le deacrachtaí agus le héilimh nua
• Lorgaíonn an duine aiseolas agus déanann siad measúnú ar thorthaí i gcomparáid le torthaí a bhí ag teastáil, foghlaimíonn siad ón méid a dhéanann siad ar bhealach freagrúil agus cuireann siad feabhas ar mhodhanna/phróisis

Anailís a Chinntiú, Breithiúnas a Thabhairt & Cinntí a Dhéanamh

Anailís, Measúnú & Cumas Réasúnaíochta Criticiúla

• Is féidir leis an duine sonraí ó fhoinsí éagsúla a bhailiú agus anailís agus measúnú criticiúil a dhéanamh orthu go sciobtha, chun eolas tábhachtach a aithint
• Cinntíonn an duine go mbailíonn agus go mbaineann an fhoireann/Eagraíocht úsaid as sonraí chun cur le cinntí a dhéanfar amach anseo
• Déanann an duine anailís agus measúnú ar eolas casta ó bhéal agus ar eolas uimhriúil casta, m.sh. polasaithe, straitéisí, buiséid nó staitisticí

Ceisteanna & Castacht a Bhainistiú

• Déanann an duine bainistíocht éifeachtach ar chásanna casta agus éiginnte agus téann siad i ngleic le ceisteanna láithreach bonn, déanann siad cinneadh sciobtha agus muiníneach maidir leis na bearta is fearr
• Réitíonn an duine fadhbanna ar bhealach eolach, loighciúil agus stuama, lorgaíonn siad tuairimí breise de réir mar is gá

Breithiúnas Eolach a Thabhairt & Cinntí Eolacha a Dhéanamh

• Tugann an duine breithiúnas cothrom agus déanann siad cinntí cothroma, baineann siad úsáid as fianaise, taithí agus polasaithe/nósanna imeachta cuí mar aon le ceisteanna/híogaireacht chomhthéacsúil
• Déanann an duine cinntí tábhachtacha, práinneacha nó deacra ar bhealach cuí, pras agus eiticiúil, cuireann siad na himpleachtaí ginearálta, ceisteanna rialála agus íogaireacht pholaitíochta san áireamh
• Roinneann an duine an réasúnaíocht atá taobh thiar de chinntí a dhéantar, chun trédhearcacht a chinntiú agus chun muinín agus iontaoibh a chothú

Treoir a Thabhairt & Daoine a Spreagadh

Feidhmíocht a Fhorbairt, a Spreagadh & Tacú Léi

• Cinntíonn siad go bhfaigheann a bhfoireann deiseanna forbartha, tugann siad tionscadail amach ar bhealach straitéiseach agus cuireann siad oiriúnacht an duine aonair agus riachtanais/práinn na dtionscadal san áireamh
• Tacaíonn an duine le hardfheidhmíocht agus spreagann siad ardfheidhmíocht trí aitheantas, threoir, oiliúint agus aiseolas rialta a chur ar fáil
• Baineann an duine úsáid as teicnící bainistíochta feidhmíochta foirmiúla agus neamhfhoirmiúla agus cuireann siad na teicnící seo chun tosaigh

Fís, Cuspóir & Inchreidteacht

• Spreagann an duine a bhfoireann agus tugann siad daoine leo, trí inchreidteacht, iontaoibh agus dhíograis a léiriú agus trí luachanna na hEagraíochta a chur chun cinn, le dea-shampla
• Cruthaíonn an duine fís shoiléir don fhoireann, cuireann siad an cuspóir agus tionchar ginearálta i gcuimhne dóibh
• Tugann an duine treoir ar bhealach ionraic, macánta, trédhearcach agus freagrach

Cumhacht a Thabhairt, Sábháilteacht Shíceolaíoch & Cuimsiú

• Cruthaíonn an duine timpeallacht foirne atá ionchuimsitheach agus sábháilte ag leibhéal síceolaíochta, ina dtugtar cumhacht do gach ball agus ina léirítear muinín as agus meas ar gach ball
• - Mar cheannaire, cuireann an duine comhionannas, éagsúlacht agus cuimsiú chun cinn, cuireann siad bearta fiúntacha i bhfeidhm trí obair a nEagraíochta/Roinne agus trí thacú le lucht saothair ina bhfuil éagsúlacht le brath

Éirim Shóisialta & Mhothúchánach

• Tugann an duine tús áite dá bhfolláine féin agus d’fholláine dhaoine eile ar bhealach oscailte, cuireann siad cultúr ina bhfuil an tacaíocht, an chomhbhá agus an tuiscint chun tosaigh
• Léiríonn an duine féinthuiscint ardleibhéil agus an cumas a gcuid mothúchán agus iompair féin a bhainistiú, go háirithe i gcásanna dúshlánacha

Treoir a thabhairt trí Thuiscint Speisialtachta

Cuir le hObair trí Shaineolas

• Léiríonn an duine ardleibhéal saineolais speisialtachta agus eolais ina réimse
• Cuireann an duine le hobair na hEagraíochta/na Roinne trí úsáid a bhaint as a saineolas speisialtachta chun freastal ar riachtanais ghnó agus cur le beartas nó straitéis níos ginearálta

Treoir a Thabhairt & Abhcóideacht a Dhéanamh

• Tugann an duine treoir trí thuiscintí, eolas, fhianaise agus réasúnaíocht a roinnt ar bhealach oscailte agus neamhtheicniúil
• Cuireann an duine luach a réimse/saineolais chun cinn agus míníonn siad an luach seo agus an fáth a bhfuil sé riachtanach tús áite a thabhairt don réimse
• Aithnítear an duine mar Cheannaire Smaointeoireachta nó mar Shaineolaí ina réimse saineolais, tugann siad treoir, cuireann siad eolas agus ceannaireacht ar fáil

Gréasáin, Eolas & Tuiscint a Chothú

• Déanann an duine líonrú le saineolaithe ag comhdhálacha agus imeachtaí, roinneann siad eolas cuí, ceachtanna a d’fhoghlaim siad agus faigheann siad inspioráid ó dhaoine eile ag leibhéal náisiúnta agus idirnáisiúnta
• Tá an duine tiomanta don Fhorbairt Ghairmiúil Leanúnach, glacann siad páirt ghníomhach i gcúrsaí, i gcomhdhálacha agus i ngníomhaíochtaí cuí chun a chinntiú go bhfuil a gcuid eolais agus tuiscintí cothrom le dáta

Cumarsáid Éifeachtach a Dhéanamh & Éisteacht chun teacht ar Thuiscint

• Déanann an duine cumarsáid agus cuireann siad eolas i láthair ar bhealach soiléir, áititheach agus mealltach, i dtaca le cumarsáid ó bhéal, cumarsáid dhigiteach agus i gcumarsáid scríofa
• Léiríonn an duine tuiscint ar a modh cumarsáide féin, agus athraíonn siad a stíl de réir mar is cuí chun freastal ar an lucht éisteachta
• Tuigeann an duine tábhacht na héagsúlachta agus déanann siad iarracht ghníomhach daoine éagsúla a spreagadh chun a bheith páirteach, chun dúshláin agus tuairimí éagsúla a chur san áireamh
• Déanann an duine cumarsáid ar bhealach trédhearcach do lucht éisteachta seachtrach i réimsí a bhfuil suim ag an bpobal iontu

Scileanna i dtaca le Tionchar a Imirt & Scileanna Idirbheartaíochta

• Imríonn an duine tionchar ar dhaoine eile ar bhealach tuisceanach agus bíonn siad sásta comhréiteach a dhéanamh nuair is gá
• Forbraíonn an duine tuiscint ar an gcomhthéacs, ar íogaireacht agus ar thuairimí éagsúla, agus páirt á glacadh acu i bplé/idirbheartaíocht le grúpaí de pháirtithe leasmhara tábhachtacha agus leis an gcóras polaitíochta
• Téann an duine i ngleic le comhráite deacra, coimhlintí nó hidirbheartaíocht le meas, tuiscint, stuaim agus féinmhuinín

Líonrú, Ionadaíocht & Teagmháil le Páirtithe Leasmhara

• Forbraíonn an duine gréasáin úsáideacha agus déanann siad teagmháil le páirtithe leasmhara cuí, laistigh agus lasmuigh dá nEagraíocht/Roinn féin
• Déanann an duine comhairliúcháin rialta le páirtithe leasmhara tábhachtacha, déanann siad bainistíocht ar na nithe a bhfuil daoine ag súil leo agus tugann siad an t-eolas is déanaí ar bhealach géarchúiseach agus oscailte
• - Déanann an duine ionadaíocht don Eagraíocht/Roinn ar bhealach gairmiúil agus tuisceanach, tapaíonn siad deiseanna chun obair na hEagraíochta/Roinne a chur chun cinn de réir mar is cuí

Comhoibriú, Obair Trasfheidhme & Caidrimh a Bhainistiú

• Baineann an duine úsáid as scileanna idirphearsanta chun dea-chaidrimh oibre a chothú agus a choinneáil ag gach leibhéal, lena n-áirítear i dtimpeallacht ina bhfuil obair chumaisc/hibrideach ar siúl
• Baineann an duine an leas is fearr as deiseanna comhoibrithe agus deiseanna chun páirt a ghlacadh in obair trasfheidhme, agus cinntíonn siad nach n-oibríonn a bhfoireann ar bhealach neamhchomhtháite
• Bíonn an duine ar an eolas faoi fhorbairtí eagraíochta agus ar an obair a bhíonn á déanamh ag foirne eile, léiríonn siad suim, cuireann siad tuairimí in iúl agus tugann siad tacaíocht do bhainisteoirí sinsearacha eile