An Roinn Caiteachais Phoiblí agus Athchóirithe / Státseirbhís

Oifigeach Riaracháin

Nuair a chríochnaigh mé mo chéim i mBainistíocht Acmhainní Daonna ó Choláiste Náisiúnta na hÉireann, d'oibrigh mé i dtionscal an Mhiondíola agus AD ar feadh roinnt blianta. Shocraigh mé gur mhaith liom mo scileanna agus mo chuid eolais ar AD a fhorbairt i réimse nua agus cheap mé gurab é an Státseirbhís an dúshlán a theastaigh uaim. Bhí a fhios agam go mbeinn in ann mo ghairm a chur chun cinn sa Státseirbhís agus ag an am céanna go mbeadh cothromaíocht oibre is saoil mhaith agam agus thaitin sin liom.

Tá mé ag obair mar Chomhpháirtí Gnó AD sa Roinn Caiteachais Phoiblí agus Athchóirithe. Go dtí seo chuir mo chomhghleacaithe fáilte mhór romham. Sa chéad cúpla seachtain d'fhoghlaim mé faoi bheartas agus nós imeachta agus chuir mé eolas ar mhodhanna oibre. Tá mé ag súil go mór an t-eolas a fuair mé sna chéad chúpla seachtain a úsáid chomh maith leis an taithí atá agam cheana chun tacaíocht a thabhairt agus an t-aonad Comhpháirtí Gnó AD a bhrú chun cinn.

An Roinn Cumarsáide, Fuinnimh agus Acmhainní Nádúrtha / Státseirbhís

Oifigeach Feidhmiúcháin

Chuaigh mé isteach sa Státseirbhís mar Oifigeach Cléireachais agus cuireadh mé le Rannóg Rialachas Corparáideach Slándáil Ola agus Fuinnimh sa Roinn Cumarsáide, Fuinnimh agus Acmhainní Nádúrtha (DCENR). Tús iontach a bhí ann mar gur tugadh an deis dom a bheith ag obair le tascanna éagsúla idir chabhrú le hiniúchadh ar chomhlachtaí ola agus a bheith páirteach i gcreat chun an Lámhleabhar Teagmhais do Sholáthar Ola a chruthú, a chinnteoidh soláthar ola in Éirinn. Bhí an deis agam fosta ionadaíocht a dhéanamh don Roinn ag cruinnithe san International Energy Agency i bPáras. Le linn mo chuid ama sa Rannóg, tugadh cabhair dom staidéar a dhéanamh go páirtaimseartha agus bhain mé céim amach le Gnó Staidéir a dhírigh go háirithe ar Acmhainní Daonna ó UCD i 2010.

Tar éis dom céim a bhaint amach iarradh orm dul le Rannóg na nAcmhainní Daonna, rud a bhí mé an-sásta a dhéanamh mar go raibh mé ábalta feidhm a bhaint as mo Chéim. Tá dúshlán nua gach lá agus is breá liom a bheith ag obair le hAD. Bliain tar éis dom dul ansin tugadh ardú céime dom mar Oifigeach Feidhmiúcháin. Bím ag plé le tionscadail shuimiúla agus éagsúla ar nós pleanáil don fhórsa oibre, cláir ionduchtaithe agus meantóireachta a fhorbairt chomh maith le déileáil le comórtais inmheánacha agus sheachtracha. Oibrím i gcomhar le baill foirne agus leis an bhainistíocht sa Roinn lena chinntiú go bpléann AD go maith le gach duine.

Tá áiseanna cuimsitheacha oiliúna agus tacaíochta ag an DCENR a chinntíonn go spreagtar na baill foirne a dtaithí, a gcáilíochtaí agus a scileanna a fhorbairt. Faoi láthair tá mé ag déanamh céim Mháistreachta le Straitéisí Acmhainní Daonna i DCU, a chabhróidh go háirithe i dtaca le Plean Athnuachana na Státseirbhíse a athchóireoidh ról na nAD. Tá meon láidir ann eolas a roinnt agus oibríonn na baill foirne le chéile chun príomh-réimsí freagrachta na Roinne a sholáthar. Ar bhonn sóisialta de, eagraíonn an Coiste Spóirt agus Sóisialta réimse gníomhaíochtaí idir dheireadh seachtaine as baile agus oíche san amharclann rud a fhágann gur áit chairdiúil atá ann le bheith ag obair ann. Déarfainn le duine ar bith atá ag smaoineamh ar ghairm sa Státseirbhís an deis a ghlacadh!

Oifig na gCoimisinéirí Ioncaim / Státseirbhís

Oifigeach Riaracháin

Oibrím faoi láthair mar Oifigeach Riaracháin i Rannóg Iniúchta agus Ionchúiseamh na gCoimisinéirí Ioncaim. Bhí taithí agam ar Airgeadas; bhain mé amach B.Sc. i mBainistíocht & Margaíocht ó Institiúid Teicneolaíochta Bhaile Átha Cliath agus ansin shocraigh mé cáilíocht mar Chomhairleoir Cairte Cánach in Institiúid Cánach na hÉireann a bhaint amach. D'oibrigh mé i roinnt comhlachtaí cunstasíochta beaga agus meánmhéide le linn m'oiliúint ar chúrsaí cánacha agus tar éis mo cháilíochta.

Thosaigh mé leis na Coimisinéirí Ioncaim sa bhliain 2010 agus bainistím fiosrúcháin atá bunaithe ar thionscadail inar sainaithníodh go raibh riosca suntasach cánach. Sa phost seo ní mór dom eolas speisialta cánach a bheith agam agus thug sé deis dom mo scileanna bainistíochta, idirphearsanta agus idirbheartaíochta a fhorbairt a thuilleadh. D'fhoghlaim mé cuid mhaith freisin faoi achomhairc cánacha agus faoin phróiseas dlí trí bheith ag obair in oifig na nDlíodóiri Ioncaim agus le hAbhcóide Sinsearach maidir le roinnt achomharc agus Athbhreithniú Dlí san Ard-Chúirt.

Ba é an rud is mó a mheall mé chuig gairm sa Státseirbhís, an deis a bhí ann ar dhul chun cinn in eagraíocht mhór. Taitníonn na huaireanta solúbtha agus an timpeallacht chairdiúil ó thaobh teaghlaigh de liom os rud é go bhfuil clann óg agam.

Oifig na gCoimisinéirí Ioncaim / Státseirbhís

Oifigeach Riaracháin

Rinne mé staidéar ar an dlí corparáideach agus gnó in Ollscoil na hÉireann Gaillimh agus chríochnaigh mé mo Mháistreacht i nDlí Tráchtála i UCD. Ina dhiaidh sin rinne mé Ard-Dioplóma i dTeicneolaíocht Eolais.

Faoi láthair tá mé ag obair le hIniúchtaí agus Fiosrúcháin Ioncaim. Déanaim iniúchtaí ríomhaire ar ghnólachtaí agus tá mé freagrach as foireann iniúchóirí i m-aonad.

Tá baint le mo chuid oibre in Ioncam suimiúil agus dúshlánach. Eagraíocht bhríomhar agus cheannródaíoch is ea eagraíocht na gCoimisinéirí Ioncaim. Tugtar an deis dom a bheith i gceannas ar mo chuid oibre féin agus moltar dom oibriú as mo stuaim féin. Ní hionann dhá iniúchadh ar bith, tá éagsúlacht san obair agus d'fhoghlaim mé a lán ó thosaigh mé.

Tá cumas maith oiliúna agus tacaíochta in Ioncam rud a chinntíonn go bhfuil tú ullamh agus go bhfuil tacaíocht agat do do ról. Tá dearcadh láidir ar bheith ag obair le chéile in Ioncam ina roinneann gach duine a gcuid eolais agus a dtaithí.